AG TECH пен UMV Inc. ынтымақтастық туралы меморандумға қол қойды
AG TECH компаниясы мен Оңтүстік Кореяның UMV Inc. компаниясы Орталық Азияда киберқауіпсіздік нарығын кеңейтуге бағытталған стратегиялық ынтымақтастық туралы меморандумға қол қойды.
Қол қою рәсімі AG TECH компаниясының кеңсесінде екі компания делегацияларының ресми кездесуі аясында өтті және Қазақстанның цифрлық инфрақұрылымды қорғау саласындағы технологиялық егемендігін қалыптастыру жолындағы маңызды қадам болды.
Меморандумға AG TECH компаниясының бас директоры Александр Подвалов және UMV Inc. компаниясының бас атқарушы директоры Банг Юн Сон (Bang Yoon Sung) қол қойды.
UMV Inc. – веб-серверлер мен бұлттық ортаны қорғауға арналған веб және киберқауіпсіздік шешімдерін әзірлеуге маманданған Оңтүстік Кореяның технологиялық компаниясы. UMV Inc. өнімдері әлем бойынша 30 000-нан астам веб-серверді қорғауды қамтамасыз етеді.
Ынтымақтастықтың негізгі мақсаты – Қазақстанда және Орталық Азияда веб-инфрақұрылымды қорғаудың озық технологияларын локализациялау және дамыту, мемлекеттік және корпоративтік сектор талаптарына сай отандық бағдарламалық өнім қалыптастыру, сондай-ақ елдің технологиялық егемендігін нығайту.
Кездесу аясында AG TECH компаниясының қызметкерлері DevOps-инженер Ильяс Тамаев пен жүйелік инженер Айбек Мукушев, UMV командасының жетекшілігімен өткен арнайы практикалық оқудан кейін, UMV Inc. компаниясының бас атқарушы директоры Банг Юн Сонның қолынан атаулы сертификаттарға ие болды.
Локализацияланған шешімдердің Қазақстан нарығындағы сатылымын бастау сертификаттау және лицензиялау рәсімдері аяқталғаннан кейін жоспарланып отыр.
UMV Inc. компаниясының ресми сайты - https://umvwebsecurity.com.
Компанияның өзекті жаңалықтары мен алдағы оқиғалардан хабардар болу үшін әлеуметтік желілердегі парақшаларымызға жазылыңыз:
