AG TECH – СПЕКА елдерінің халықаралық көрмесінің қатысушысы

AG TECH компаниясы - СПЕКА елдерінің халықаралық көрмесіне қатысады

AG TECH компаниясы Қазақстан Республикасы цифрлық даму, инновациялар және аэроғарыш өнеркәсібі министрлігінің шақыруымен БҰҰ-ның Орталық Азия елдерінің (СПЕКА) экономикаларына және СПЕКА-ға қатысушы елдердің ұлттық экономикасына арналған арнайы бағдарламасының 25 жылдығына орай халықаралық көрмеге қатысады. Көрме 21-24 қараша аралығында Әзірбайжан астанасы Баку қаласында "Баку Экспо Орталығы" халықаралық көрме орталығының алаңында өтеді.

AG TECH негізін қалаушы және Бас директоры Александр Подвалов көрме қонақтарына және Орталық Азия мемлекеттерінің басшыларына біздің флагмандық өніміміз DMMS өнеркәсіптік өндірісті басқару жүйесін ұсынады.

"СПЕКА елдерінің көрмесі: орнықты даму мақсатында өңірлік ынтымақтастық" СПЕКТІҢ 25 жылдығына орай өткізіледі. Көрменің мақсаты қатысушы елдердің (Әзірбайжан, Қазақстан, Қырғызстан, Тәжікстан, Түрікменстан, Өзбекстан) экономикалық әлеуетін көрсету, өзара тиімді ынтымақтастық мүмкіндіктерін талқылау және мемлекеттер арасындағы өңірлік экономикалық байланыстарды нығайту болып табылады.

Қазіргі экономикалық әлеует және Орталық Азия мен Әзірбайжан елдерінің халықаралық аренадағы ықпалының артуы мемлекеттер арасындағы кешенді әріптестікті қажет етеді. Осыған байланысты СПЕКА шеңберіндегі қызмет көпжақты ынтымақтастықты одан әрі жемісті дамуы үшін негіз болады.

Көрме экспозициясы келесі бөлімдерде ұсынылған:

Экономикалық даму;
Өнеркәсіп;
Ауыл шаруашылығы;
Цифрлық даму және инновация;
Көлік инфрақұрылымы және транзиттік жүк тасымалы;
Энергетика;
Қорғаныс өнеркәсібі (сандық форматта);
Туризм;
Кәсіпкерлікті мемлекеттік қолдау.

Көрмені ұйымдастырушылар-Әзірбайжан республикасының экономика министрлігі.

Цифрлық даму, инновациялар және аэроғарыш өнеркәсібі министрлігіне көрмеге қатысуға шақырғаны және Қазақстандық IT саласының жетістіктерін жоғары халықаралық деңгейде көрсету мүмкіндігі үшін Алғыс білдіреміз.